വിവിധ ആവശ്യങ്ങള്ക്കായി കോര്പ്പറേഷന് ഓഫീസില് എത്തിയവര് മന്ത്രിയോട് പരാതികളും ആവശ്യങ്ങളും ഉന്നയിച്ചു. വിവിധ അപേക്ഷകളില് നടപടികള് വൈകിക്കരുതെന്ന് മന്ത്രി നിര്ദേശിച്ചു. ഒരേ ആവശ്യത്തിന് പലതവണ ഓഫീസ് കയറിയിറങ്ങിയവരും മന്ത്രിയുടെ മുന്നിലെത്തി. മുട്ടുന്യായങ്ങള് പറഞ്ഞ് അപേക്ഷകള് നിരസിക്കുകയോ വൈകിക്കുകയോ ചെയ്യുന്നതായി പരാതിപ്പെട്ടു. ജനങ്ങള്ക്ക് െമെച്ചപ്പെട്ട സേവനം ലഭ്യമാക്കാന് കഴിയുമ്പോള് മാത്രമേ നഗരസഭയും സര്ക്കാരും ജീവനക്കാരും അംഗീകരിക്കപ്പെടുകയുള്ളൂവെന്ന് മന്ത്രി പറഞ്ഞു.
17,000 വാട്ടര് കണക്ഷനും 35,000 വൈദ്യുതി കണക്ഷനും കോര്പ്പറേഷന് നേരിട്ടാണ് നടത്തുന്നത്. ഇത്രയും ഭീമമായ കണക്ഷനുകള് കൈകാര്യം ചെയ്യാനുള്ള സംവിധാനങ്ങളില്ല. കാളവണ്ടി യൂഗത്തിലാണ് നാം സഞ്ചരിക്കുന്നതെന്ന് ഒരു ജീവനക്കാരന്തന്നെ മന്ത്രിയുടെ ശ്രദ്ധയില്പ്പെടുത്തി. ഇത് പരിഹരിക്കണം. ആധുനിക സംവിധാനങ്ങളുടെ സഹായത്തോടെ മെച്ചപ്പെട്ടതും സുതാര്യവുമായ സേവനം ജനങ്ങള്ക്ക് ലഭിക്കണം. അതിന് സര്ക്കാരിന്റെ സഹായമുണ്ടാവും.
കേരളത്തിലെ മറ്റ് നഗരങ്ങളുമായി താരതമ്യപ്പെടുത്തുമ്പോള് തൃശൂരിന്റെ വളര്ച്ചാസ്വഭാവം കുറവാണ്. ഓഫീസ് സൌകര്യങ്ങള് പോലും കുറവാണ്. നേരില് കണ്ടപ്പോഴാണ് അതിന്റെ പ്രയാസം മനസ്സിലായത്. ഇത്തരം പരാതികള്ക്കെല്ലാം പരിഹാരമുണ്ടാവും. അതേസയമം തൃശൂരിന്റെ അനന്തമായ സാധ്യതകള് ഉപയോഗപ്പെടുത്താന് കഴിയണം. തൃശൂരിന്റെ സമഗ്രമാസ്റ്റര് പ്ളാന് രൂപപ്പെടുത്തി വരുകയാണ്. ഇനിയുള്ള വികസനങ്ങളെല്ലാം ഈ രൂപരേഖയുടെ അടിസ്ഥാനത്തിലാവും. അടുത്ത 30 വര്ഷംകൊണ്ട് കേരളം ആസൂത്രിത നഗരങ്ങളിലേക്ക് മാറും.
തൃശൂരിലെ കെഎസ് യുഡിപി ഓഫീസ്, ജില്ലാ ടൌണ് പ്ളാനിങ്ങ് ഓഫീസ് എന്നിവിടങ്ങളിലും സന്ദര്ശിച്ചു. വിവിധ പദ്ധതിയുമായി ബന്ധപ്പെട്ട കാര്യങ്ങള് ജീവനക്കാരോട് ചോദിച്ചറിഞ്ഞു. പൊതുജനങ്ങളുമായി ബന്ധപ്പെട്ട നടപടികള് വേഗത്തിലാക്കാന് നിര്ദേശം നല്കി.
വാര്ത്തകള്
http://www.manoramaonline.com/cgi-bin/MMOnline.dll/portal/localContentView.
